आधारभूमि संवाददाता
काठमाडौं, पुष १३
इंग्लिस प्रिमियर लिग फुटबलमा म्यानचेस्टर युनाईटेड न्युकासलसँग बराबरीमा रोकिएको छ। आइतबार राति न्युकासलको घरेलु मैदानमा भएको खेलमा युनाईटेड र न्युकासलले १–१ गोलको बराबरी खेल्दै अंक बाँढेका हुन्।
खेलमा युनाईटेडको लागि एडिन्सन काभानीले एक गोल गरे भने न्युकासलको लागि एलन सेन्ट-मैक्सिमिनले एक गोल गरेका थिए।
खेलमा पहिलो अग्रता न्युकासलले लिएको थियो । खेलको सातौं मिनेटमा एलन सेन्ट-मैक्सिमिनले गोल गर्दै न्युकासललाई अग्रता दिलाएका थिए।
तर, दोस्रो हाफको ७१ औं मिनेटमा युनाईटेडको लागि एडिन्सन काभानीले गोल गर्दै खेल बराबरीमा फर्काए र टोलीलाई हारबाट जोगाए ।
बराबरीसँगै युनाईटेडको १७ खेलबाट २८ अंक छ र तालिकाको सातौं स्थानमा छ। न्युकासलको १९ खेलबाट ११ अंक छ र १९औं स्थानमा छ ।
