आधारभूमि संवाददाता
काठमाडौं २८ मंसिर
प्रतिनिधिसभाको पहिलो बैठक बसिरहेको बेला प्रमुख प्रतिपक्षी दल नेकपा एमालेका सांसदले अबरोध गरेका छन् । एमालेको विरोधकाबीच सरकारले सदनमा ६अध्यादेश पेश गरेको छ ।
आफूले कारबाही गरेका सांसदहरूलाई सभामुखले कारबाहीको सूची टाँस नगरेको भन्दै एमालेले संसद पुनर्स्थापनादेखि नै विरोध गर्दै आएको छ। अध्यादेश पेसपछि पनि एमाले सांसदको विरोध जारी राखेका थिए ।
आज शुरू भएको प्रतिनिधिसभाको बैठकमा सरकारले सामाजिक सुरक्षा (पहिलो संशोधन) २०७८ अध्यादेश सहित विभिन्न पाँच अध्यादेश पेश गर्ने कार्यसूची अनुरुप ति अध्यादेश पेश भएका हुन् ।
विभिन्न मन्त्रालयका तर्फबाट कानून, न्याय तथा संसदीय मामिला मन्त्री दिलेन्द्र प्रसाद बडुले ६ अध्यादेश सदनमा प्रस्तुत गरेका थिए । मन्त्री बडुले नेपाल प्रहरी, तेजाब तथा रासायनिक पदार्थको नियमन, सामाजिक सुरक्षा, रेल्वे, यौन हिंसा तथा फौजदारी कार्यबिधीसम्बन्धी अध्यादेश, रेल्वे अध्यादेश, यौन हिंसाविरुद्धका केही ऐनलाई संशोधन गर्ने अध्यादेश र फौजदारी कसुर तथा फौजदारी कार्यविधिसम्बन्धी केही ऐन संशोधन गर्ने अध्यादेश बैठकमा पेस गरेका हुन् ।
एमालेको विरोध नरोकिएपछि सभामुख सापकोटाले बैठक पुस ६ गतेसम्मका लागि स्थगित गरेका छन् ।
