काठमाडौं, मंंसिर २८
आधारभूमि संवाददाता
आज सुनको मूल्य बढेको छ । सोमबार तोलामा ९२ हजार ५०० मा कारोवार भएको छापावाल सुन आज प्रतितोला ३०० ले बढेर ९२ हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ३०० ले बढेर ९२ हजार ३०० मा कारोवार भएको छ । यस अघि सोमबार तेजावी सुन रु ९२ हजारमा कारोवार भएको थियो ।
आज चाँदीको मूल्य पनि प्रतितोला रु २० ले बढेको छ । आज महासङ्घले चाँदीको मूल्य प्रतितोला रु एक हजार २१० तोकेको छ । यस अघि सोमबार चाँदी प्रतितोला रु एक हजार १९० मा कारोबार भएको थियो ।
