आधारभूमि संवाददाता
काठमाडौं, मंसिर २७
मुुलुक आगामी वर्षदेखि बिद्युतीय उर्जामा आत्मनिर्भर हुने भएको छ । उर्जामन्त्री पम्फा भुसालले आगामी वर्ष देखि देशमा हिउँदका समयमा पनि बिजुली आयात गर्न नपर्ने बताएकि छन् ।
आर्थिक पत्रकार समाज सेजनले आयोजना गरेको बिजुली ब्यापार संभावना र चुनौति सम्वन्धि कार्यक्रममा बोल्दै उनले आगामी वर्षसम्ममा भने केहि आयोजनाको निर्माण सकिने र त्यसपछि बिजुली आयात गर्न नपर्ने बताएकि हुन् ।
वर्षातका समयमा बिजुली मध्यरातमा ५ सय मेगावाटसम्म खेर गएपनि हिउँद लागेसँगै भने प्राधिकरणले पुन भारतबाट आयात गर्न थालेको छ । तर, उत्पादन बढ्ने निश्चीत भएपनि सरकारले त्यो बिजुली आन्तरिक रुपमै खपत गर्ने योजना बनाएको छैन । वर्षातका समयमा बिजुली खेर जान थालेपछि उर्जा मन्त्रालय, बिद्युत प्राधिकरण र आयोजनामा लगानी गरेका बैंकहरु चिन्तीत हुन थालेका छन् । मन्त्री भुसालले बिद्युत ब्यापारका बिषयमा प्राधिकरण र मन्त्रालयको जोडबलले मात्रै नपुग्ने भइ राजनीतिक नेर्तत्वको प्राथमिकता नै यसमा रहुनपर्ने बताएकि छन् ।
निजी क्षेत्र भने खपतका बिषयमा सरकार नीतिगत निर्णयमा चुकेकाले वर्षातमा बिद्युत खेर जाने स्थिती आएको बताएको छ । तीन वर्ष अघि पूर्व उर्जा मन्त्री वर्षमान पुनले १५ स्वेतपत्र जारी गर्दै १० वर्षमा १५ हजार मेगावाट उत्पादन गर्ने योजना बनाएका थिए । तर त्यसयता खपत बढाउने विषयमा भने योजनामा निर्माणमा सरकार चुक्दै आएको छ ।
बिद्युत खपतका लागि सरकारले सुरुवातमा वर्षेनि बढिरहेको आयात डिजल पेट्रोलको आयातलाई रोकेर लामा दुरीका बिद्युतीय बस र ट्याक्सी सञ्चालन गर्नुपर्ने बताएका छन् ।
राष्ट्र बैंकले बैंकहरुलाई उर्जामा लगानी गर्न बाध्य बनाएको छ । बिद्युत खपत नहुने र आयोजना घाटामा जाँदा वित्तीय क्षेत्रमा नै समस्या पैदा हुने हो कि भन्ने बैंकरहरुमा भय देखिन्छ।
