आधारभूमि संवाददाता
काठमाडौ २५ मंसिर
नेपाली कांग्रेस सभापति पदको लागि नेताले उम्मेदवारी दर्ता गराएका छन् । वर्तमान सभापति शेरबहादुर देउवा, नेता शेखर कोइराला, प्रकाशमान सिंह र विमलेन्द्र निधिले नयाँ कार्यकालका लगि उम्मेदवारी दिएका हुन् ।
त्यसैगरी सभापतिमै स्वतन्त्र रुपले कल्याण गुरुङ र गोरखाका युवराज न्यौपानेले पनि उम्मेदवारी दिएका छन्। उपसभापतिमा देउवा समूहबाट पूर्णबहादुर खड्का र विजय गच्छदारको उम्मेदवारी परेको छ।
त्यस्तै शेखर कोइराला समूहबाट उपसभापतिमा चन्द्र भण्डारी र धनराज गुरुङले उमेदवारी दिएका छन् ।
प्रकाशमान सिंह समूहबाट सुजाता कोइराला उपसभापतिमा भिडदै छन् ।
त्यस्तै महामन्त्री पदमा विश्वप्रकाश शर्मा डा. प्रकाशशरण महत र प्रदीप पौडेल, डा. मिनेन्द्र रिजाल र गगन थापाले उमेदवारी दिएका छन् ।
