आधारभूमि संवाददाता
काठमाडौ, मंसिर २५
शनिबार थप २३६ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा नौ हजार १७८ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या आठ लाख २३ हजार ९८० पुगेको छ ।
त्यस्तै पछिल्लो २४ घण्टामा पीसीआर विधिबाट नौ हजार १७८ जनाको परीक्षण भएको छ । हालसम्म ४७ लाख आठ हजार ५१० जनाको पीसीआर परीक्षण गरिएको छ।
थप ३०७ जना डिस्चार्ज
नेपालमा पछिल्लो २४ घण्टामा ३०७ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या आठ लाख छ हजार ५४४ पुगेको छ ।
थप एक को मृत्यु
पछिल्लो २४ घण्टामा एक जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार ५५३ पुगेको छ।
