आधारभूमि संवाददाता
काठमाडौं,मंसर २०
इंग्लिस प्रिमियर लिग फुटबलमा टोटनह्यामले सहज जित निकालेको छ । आइतबार राति घरेलु मैदानमा भएको खेलमा टोटनह्यामले नर्विच सिटीलाई ३-० गोलले पराजित गरेको हो ।
घरेलु मैदानमा टोटनह्यामलाई जित दिलाउन लुकास मोउरा,डेभिन्सन सान्चेज र सन ह्युङ मिनले एक-एक गोल गरे ।
खेलको १० औँ मिनेटमा लुकास मोउराको गोलबाट टोटनह्यामले अग्रता लिएको थियो ।
दोस्रो हाफको ६७ औँ मिनेटमा डेभिन्सन सान्चेजले गोल गर्दै टोलीलाई २-० को अग्रता दिलाए ।
त्यसपछि खेलको ७७ औँ मिनेटमा सन ह्युङ मिनले गोल गर्दै टोलीलाई ३-० को जित दिलाए ।
जितसँगै टोटनह्यामले १४ खेलबाट २५ अंक जोडेको छ र पाँचौं स्थानमा छ । पराजित नर्विच सिटीको १५ खेलबाट १० अंक छ र पुछारमा छ ।