आधारभूमि संवाददाता
काठमाडौं,मंसिर १८
स्पेनिस ला लिगा फुटबलमा ग्रानाडाले अलाभेसमाथि जित निकालेको छ।घरेलु मैदानमा शुक्रबार राति भएको खेलमा ग्रानाडाले अलाभेसलाई २-१ गोलले पराजित गरेको हो ।
ग्रानाडालाई जित दिलाउन एन्टोनियो पुएर्टास र बस्यान्टियागो एरियासले एक-एक गोल गरे ।
खेलको १४ औं मिनेटमा एन्टोनियो पुएर्टासले गोल गर्दै ग्रानाडालाई सुरुवाती अग्रता दिलाएका थिए।
दोस्रो हाफको ८१ औं मिनेटमा ग्रानाडाका लुइस अब्रामले आत्मघाती गोल गरेपछि खेल १-१ को बराबरिमा फर्कियो ।
तर खेलको ८६ औँ मिनेटमा ग्रानाडाका बस्यान्टियागो एरियासले गोल गर्दै टोलीलाई २-१ को जित दिलाए ।
जितसंगै ग्रानाडाले १५ खेलबाट १५ अंक जोडेको छ र १५ औँ स्थानमा छ । पराजित अलाभेसको १५ खेलबाट १४ अंक छ र १६ औं स्थानमा छ । शीर्ष स्थानको रियल म्याड्रिडको १५ खेलबाट ३६ अंक छ।
