आधारभूमि संवाददाता
काठमाडौं,मंसिर १६
इंग्लिस प्रिमियर लिग फुटबलमा म्यानचेस्टर सिटीले एस्टन भिल्लामाथि जित निकालेको छ।बुधबार राति भएको खेलमा सिटीले एस्टन भिल्लालाई उसकै घरेलु मैदानमा २-१ गोलले पराजित गरेको हो ।
सिटीलाई जित दिलाउन रुबेन डायस र बर्नार्डो सिल्भाले एक-एक गोल गरे ।एस्टन भिल्लाका ओली वाटकिन्सले एक गोल गरे ।
खेलको २७ औं मिनेटमा रुबेन डायसले गोल गर्दै सिटीलाई सुरुवाती अग्रता दिलाएका थिए।
खेलको ४३ औँ मिनेटमा बर्नार्डो सिल्भाले गोल गर्दै टोलीको अग्रता दोब्बर पारे ।
दोस्रो हाफको ४७ औं मिनेटमा एस्टन भिल्लाका ओली वाटकिन्सले गोल गर्दै खेल २-१ को स्थितिमा ल्याएका थिए।
त्यसपछि बाकी समयमा कुनै गोल हुन सकेन र सिटीले जित निकालेको हो ।
जितसंगै सिटीले १४ खेलबाट ३२ अंक जोडेको छ र दोस्रो स्थानमा छ । पराजित एस्टन भिल्लाको १४ खेलबाट १६ अंक छ र १३ औं स्थानमा छ । शीर्ष स्थानको चेल्सीको १४ खेलबाट ३३ अंक छ।
