आधारभूमि संवाददाता
काठमाडौं,मंसिर १६
इंग्लिस प्रिमियर लिग फुटबलमा लिभरपुलले सहज जित निकालेको छ।घरेलु मैदानमा बुधबार राति भएको खेलमा लिभरपुलले एभर्टनलाई ४-१ गोलले पराजित गरेको हो ।
गुडिसन पार्कमा लिभरपुललाई जित दिलाउन मोहमद सलाहले दुई गोल गरे भने जोर्डन हेन्डरसन र डिएगो जोटाले एक-एक गोल गरे ।एभर्टनका डेमाराई ग्रेले एक गोल गरे ।
खेलको नवौं मिनेटमा जोर्डन हेन्डरसनले गोल गर्दै टोलीलाई सुरुवाती अग्रता दिलाएका थिए।
खेलको १९ औँ मिनेटमा मोहमद सलाहले गोल गर्दै टोलीको अग्रता दोब्बर पारे ।
खेलको ३८ औं मिनेटमा एभर्टनका डेमाराई ग्रेले गोल गर्दै खेल २-१ को स्थितिमा ल्याए ।
तर, दोस्रो हाफको ६४ औँ मिनेटमा सलाहले व्यक्तिगत दोस्रो गोल गर्दै टोलीलाई ३-१ ले अघि बढाए।
त्यसपछि खेलको ७९ औँ मिनेटमा डिएगो जोटालेले गोल गर्दै टोलीलाई ४-१ को सहज जित दिलाए ।
जितसँगै लिभरपुलले १४ खेलबाट ३१ अंक जोडेको छ र तालिकाको तेस्रो स्थानमा छ ।पराजित एभर्टनको १४ खेलबाट १५ अंक छ र तालिकाको १४ औँ स्थानमा छ ।