आधारभूमि संवाददाता
काठमाडौं,१२ मङ्सिर
इटालियन सिरी ए फुटबलमा इन्टर मिलानले सहज जित निकालेको छ । शनिबार राति भएको खेलमा इन्टर मिलानले भेनेजियालाई २–० गोलले पराजित गरेको हो ।
घरेलु मैदानमा इन्टरलाई जित दिलाउन हाकन कल्हनोग्लु र लाउटारो मार्टिनेजले एक एक गोल गरे।
खेलको ३४ औं मिनेटमा हाकन कल्हनोग्लुले गोल गर्दै टोलीलाई सुरुवाती अग्रता दिलाएका थिए।
त्यसपछि दोस्रो हाफको इन्जुरी समयमा लाउटारो मार्टिनेजले पेनाल्टीमा गोल गर्दै टोलीलाई २-० को सहज जित दिलाए ।
जितसँगै इन्टर मिलानले १४ खेलबाट ३१ अंक जोडेको छ र तालिकाको तेस्रो स्थानमा छ ।पराजित भेनेजियाको १४ खेलबाट १५ अंक छ र तालिकाको १५ औँ स्थानमा छ ।
