आधारभूमि संवाददाता
काठमाडौं,१२ मङ्सिर
इंग्लिस प्रिमियर लिग फुटबलमा लिभरपुलले सहज जित निकालेको छ।घरेलु मैदानमा शनिबार भएको खेलमा लिभरपुलले साउथह्याम्प्टनलाई ४-० गोलले पराजित गरेको हो ।
एनफिल्डमा लिभरपुललाई जित दिलाउन डिएगो जोटाले दुई गोल गरे भने थियागो अल्कान्टारा र भर्जिल भ्यान डाइकले एक-एक गोल गरे ।
खेलको दोस्रो मिनेटमा जोटाले गोल गर्दै टोलीलाई सुरुवाती अग्रता दिलाएका थिए।
खेलको ३२ औँ मिनेटमा जोटाले व्यक्तिगत दोस्रो गोल गर्दै टोलीको अग्रता दोब्बर पारे ।
खेलको ३७ औँ मिनेटमा थियागो अल्कान्टाराले गोल गर्दै टोलीलाई ३-० ले अघि बढाए।
त्यसपछि खेलको ५२ औँ मिनेटमा भर्जिल भ्यान डाइकले गोल गर्दै टोलीलाई ४-० को सहज जित दिलाए ।
जितसँगै लिभरपुलले १३ खेलबाट २८ अंक जोडेको छ र तालिकाको दोस्रो स्थानमा छ ।पराजित साउथह्याम्प्टनको १३ खेलबाट १४ अंक छ र तालिकाको १४ औँ स्थानमा छ ।
