काठमाडौ, मंसिर ९
नेपाल बैंक लिमिटेड र त्रिभुवन विश्वबिद्यालयबीच उक्त विश्वबिद्यालयमा कार्यरत स्थायी शिक्षक तथा कर्मचारीहरुलाई विना धितो १५ लाख सम्मको कर्जा उपलब्ध गराउने सम्बन्धी सम्झौता भएको छ । यो सम्झौता अनुसार नेपाल बैंक लिमिटेडले त्रिभुवन विश्वबिद्यालयको सिफारिसको आधारमा त्यहां कार्यरत प्राध्यापक तथा कर्मचारीहरुलाई आम्दानीको आधारमा विना धितो सुलभ व्याजदरमा सेवाग्राहि कर्जा उपलब्ध गराउने छ ।
बुधबार त्रिभुवन विश्वबिद्यालय किर्तिपुरमा आयोजित एक समारोहमा उक्त सम्झौता सम्पन्न भएको हो । त्रिभुवन विश्वविधालयका उपकुलपति प्रा.डा.धर्मकान्त वास्तोला र नेपाल बैक लिमिटेडका प्रमुख कार्यकारी अधिकृत कृष्णबहादुर अधिकारीको रोहवरमा त्रिभुवन विश्व बिद्यालयकातर्फबाट आर्थिक महाशाखा प्रमुख कुमार प्रसाद हुमागाई र नेपाल बैंक लिमिटेडका तर्फबाट प्रमुख कर्जा अधिकृत लक्ष्मण पौडेलले उक्त सम्झौतापत्रमा हस्ताक्षर गरेकाछन । उक्त कार्यक्रममा त्रिभुवन विश्वबिद्यालयका रेक्टर प्रा.डा. शिवलाल भुषाल, रजिष्टार प्रा.डा.पेसल दाहाल, नेपाल बैंक लिमिटेडका रिटेल कर्जा बिभाग प्रमुख निर्मलकृष्ण पाण्डे, मार्केटिङ्ग तथा अनुसन्धान डिभिजन प्रमुख अर्जुन बहादुर कंडेलका साथै बैंकको किर्तिपुर शाखाका शाखा प्रबन्धक ज्ञान राजगौतम लगायतका पदाधिकारीहरुको उपस्थिति रहेको थियो ।
उक्त कार्यक्रमलाई सम्बोधन गर्दै त्रिभुवन विश्वबिद्यालयका उपकुलपति प्रा.डा.धर्मकान्त बास्तोलाले नेपाल बैंक र त्रिभुवन विश्वबिद्यालयबीचको धेरै पुरानो सम्बन्ध रहेको स्मरण गर्दै नेपाल बैकले त्रिभुवन विश्वबिद्यालयमा प्रदान गर्दे आएको अटुट सेवाको उच्च प्रसंशा गर्दै नेपाल बैकलाई धन्यबाद दिएका थिए । यो सेवाग्रा िहकर्जाको सम्झौताबाट त्रिभुवन विश्वविद्यालयमा कार्यरत सम्पूर्ण प्राध्यापक÷शिक्षक तथा कर्मचारीहरुले बढीभन्दा बढी लाभ लिन सक्ने विश्वास ब्यक्त गर्दै भविष्यमा दुवै पक्षले अधिकतम लाभ लिन सक्ने थपनयां–नयां कार्यक्रमहरु अगाडि बढाउन अनुरोध समेत गरेका थिए । । नेपाल बैंक लिमिटेडका प्रमुख कार्यकारी अधिकृत कृष्ण बहादुर अधिकारीले देशका दुइ वटा जेठा संस्थाहरुवीच ऐतिहासिक सम्बन्ध रहेको बताउदै सेवाग्राही कर्जाको यो सम्झौताबाट त्रिभुवन विश्वबिद्यालयका सम्पूर्ण कर्मचारीहरु लाभान्वीत हुने विश्वास व्यक्त गरे । त्यसैगरी नेपाल बैंकले प्रदान गर्ने सेवामा थप सहजता ल्याइ अझै उत्कृष्ठ सेवा प्रदान गर्ने प्रतिबद्घता पनि उहांले व्यक्त गरेका थिए ।
सो कार्यक्रममा त्रिभुवन विश्वबिद्यालयका रजिष्टार प्रा.डा.पेशल दाहालले नेपाल बैंक र त्रिभुवन विश्वबिद्यालयको सम्बन्ध र सहकार्यको वारेमा चर्चा गरेका थिए भने नेपाल बैंक रिटेल कर्जा बिभाग प्रमुख निर्मलकृष्ण पाण्डे, त्रिभुवन विश्वबिद्यालय आर्थिक महाशाखा प्रमुख कुमार हुमागाई लगायतले पनि मन्तव्य राखेका थिए ।
