आधारभूमि संवाददाता
काठमाडौं, मंसिर ८
च्याम्पियन्स लिग फुटबलमा प्रिमियर लिग क्लब चेल्सीले सहज जित निकालेको छ । घरेलु मैदानमा मंगलबार राति भएको खेलमा चेल्सीले युभेन्ट्सलाई ४–० गोलले पराजित गरेको हो ।
घरेलु मैदानमा चेल्सीलाई जित दिलाउन ट्रेभो चलोबा,रीस जेम्स,कलम हडसन-ओडोई र टिमो वार्नरले एक-एक गोल गरेका थिए ।
खेलको २५ औं मिनेटमा ट्रेभो चलोबाले गोल गर्दै टोलीलाई सुरुवाती अग्रता दिलाएका थिए।
दोस्रो हाफको ५५ औं मिनेटमा रीस जेम्सले गोल गर्दै टोलीलाई २-० ले अघि बढाए।
खेलको ५८ औँ मिनेटमा कलम हडसन-ओडोईले गोल गर्दै टोलीलाई ३-० ले अघि बढाए।
त्यसपछि खेलको इन्जुरी समयमा टिमो वार्नरलेले गोल गर्दै टोलीलाई ४-० को सहज जित दिलाए ।
जितसंगै समूह (एच)मा रहेको चेल्सीले ५ खेलबाट १२ अंक जोडेको छ र शीर्ष स्थानमा उक्लिएको छ। पराजित युभेन्ट्सको ५ खेलबाट १२ अंक छ र दोस्रो स्थानमा छ ।
