आधारभूमि संवाददाता

काठमाडौ, २९ कात्तिक

आज सुनको मूल्य घटेको छ । आइतबार तोलामा ९४ हजार ६०० मा कारोवार भएको छापावाल सुन आज प्रतितोला ३०० ले घटेर ९४ हजार ३०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ३०० ले घटेर ९३ हजार ८०० मा कारोवार भएको छ । यस अघि आइतबार तेजावी सुन रु ९४ हजार १०० मा कारोवार भएको थियो ।

आज चाँदीको मूल्य पनि प्रतितोला रु १५ ले घटेको छ । आज महासङ्घले चाँदीको मूल्य प्रतितोला रु एक हजार २८० तोकेको छ । यस अघि आइतबार चाँदी प्रतितोला रु एक हजार २९५ मा कारोबार भएको थियो ।