आधारभूमि संवाददाता
काठमाडौं,२९ कात्तिक
फिफा विश्वकप २०२२ कतार अन्तर्गत युरोपियन छनोटमा सर्बियाले पोर्चुगललाई पराजित गरेको छ।
आइतबार राति भएको खेलमा सर्बियाले पोर्चुगललाई उसैको मैदानमा २-१ गोलले पराजित गर्दै सन् २०२२ मा हुने विश्वकपमा छनोट भएको हो ।
सर्बियालाई जित दिलाउन दुसान टाडिक र अलेक्जेन्डर मिट्रोभिकले एक-एक गोल गरे ।पोर्चुगलका रेनाटो सान्चेसले एक गोल गरे ।
खेलमा पहिलो अग्रता भने पोर्चुगलले लिएको थियो। खेलको दोस्रो मिनेटमा रेनाटो सान्चेसले गोल गर्दे टोलीलाई अग्रता दिलाएका थिए।
तर, खेलको ३३ औं मिनेटमा सर्बियाका दुसान टाडिकइन्टरले गोल गर्दे खेल एक-एक को बराबरीमा फर्कियो ।
त्यसपछि दोस्रो हाफको ९० औँ मिनेटमा सर्बियाका अलेक्जेन्डर मिट्रोभिकले गोल गर्दै टोलीलाई २-१ को जित दिलाए ।
जितसँगै समूहको (ए)को शीर्ष स्थानमा रहेको सर्बिया विश्वकपमा छनोट भएको छ। सर्बियाले आठ खेलबाट २० अंक जोडेको छ।पराजित पोर्चुगलको आठ खेलबाट १७ अंक छ र समूहको दोस्रो स्थानमा छ ।
