आधारभूमि संवाददाता
काठमाडौँ, २८ कात्तिक
आज सुनको मूल्य बढेको छ । शुक्रबार तोलामा ९४ हजार ४०० मा कारोवार भएको छापावाल सुन आज प्रतितोला २०० ले बढेर ९४ हजार ६०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला २०० ले बढेर ९४ हजार १०० मा कारोवार भएको छ । यस अघि शुक्रबार तेजावी सुन रु ९३ हजार ९०० मा कारोवार भएको थियो ।
आज चाँदीको मूल्य पनि प्रतितोला रु १० ले बढेको छ । आज महासङ्घले चाँदीको मूल्य प्रतितोला रु एक हजार २९५ तोकेको छ । यस अघि शुक्रबार चाँदी प्रतितोला रु एक हजार २८५ मा कारोबार भएको थियो ।
