आधारभूमि संवाददाता
काठमाडौं,२८ कात्तिक
फिफा विश्वकप २०२२ कतार अन्तर्गत युरोपियन छनोटमा साविक विजेता फ्रान्सले काजाकिस्तानलाई पराजित गरेको छ।
शनिबार राति भएको खेलमा फ्रान्सले काजाकिस्तानलाई ८-० गोलले पराजित गर्दै सन् २०२२ मा हुने विश्वकपमा छनोट भएको हो ।
फ्रान्सलाई जित दिलाउन केलियन एमबाप्पेले चार गोल गरे ।त्यस्तै, करिम बेन्जेमाले दुई गोल ,एड्रियन रेबियोट र एन्टोनी ग्रिजम्यानले एक-एक गोल गरे । एमबाप्पेले खेलको ६,१२, ३२ र ८७ औँ मिनेटमा गोल गर्दै आफ्नो ह्याट्रिक सहित ४ गोल पूरा गरेका हुन्।
जितसँगै समूहको (डी)को शीर्ष स्थानमा रहेको फ्रान्स विश्वकपमा छनोट भएको छ। फ्रान्सले सात खेलबाट १५ अंक जोडेको छ।पराजित काजाकिस्तानको आठ खेलबाट तीन अंक छ र समूहको पुछारमा छ ।
