आधारभूमि संवाददाता
काठमाडौ, २५ कात्तिक
बिहीबार थप ३१७ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १२ हजार ६५३ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या आठ लाख १६ हजार ६० पुगेको छ ।
त्यस्तै पछिल्लो २४ घण्टामा पीसीआर विधिबाट १२ हजार ६५३ जनाको परीक्षण भएको छ । हालसम्म ४४ लाख ८४ हजार १५४ जनाको पीसीआर परीक्षण गरिएको छ।
थप २७९ जना डिस्चार्ज
नेपालमा पछिल्लो २४ घण्टामा २७९ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या सात लाख ९७ हजार ५९ पुगेको छ ।
थप छ को मृत्यु
पछिल्लो २४ घण्टामा छ जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार ४६६ पुगेको छ।
