आधारभूमि संवाददाता
काठमाडौं, कात्तिक २१
फ्रेन्च लिग वान फुटबलमा पेरिस सेन्ट जर्मेन (पीएसजी)ले कठिनाई जित निकालेको छ ।शनिबार राति भएको खेलमा पीएसजीले बोर्डोलाई उसैको घरेलु मैदानमा ३-२ गोलले पराजित गरेको हो ।
बोर्डोको मैदानमा पीएसजीलाई जित दिलाउन नेयमारले दुई गोल गरे भने केलियन एम्बाप्पेले एक गोल गरे ।बोर्डोका अल्बर्थ एलिस र एम्बाय नियाङले एक-एक गोल गरे ।
खेलको २६औँ मिनेटमा नेयमारले एम्बाप्पेको पासमा गोल गर्दै पीएसजीलाई अग्रता दिलाएका थिए।
खेलको ४३ औं मिनेटमा नेयमारले व्यक्तिगत दोस्रो गोल गर्दै टोलीलाई २-० ले अघि बढाए।
दोस्रो हाफको ६३ औं मिनेटमा एम्बाप्पेले गोल गर्दै टोलीलाई ३-० ले अघि बढाए।
खेलको ७८ औं मिनेटमा बोर्डोका अल्बर्थ एलिसले गोल गर्दै खेल ३-१ को स्थितिमा ल्याए।
दोस्रो हाफको इन्जुरी समयको दोस्रो मिनेटमा एम्बाय नियाङले गोल गर्दै खेल ३-२ को स्थितिमा ल्याए।
त्यसपछि बाकी समयमा कुनै गोल हुन सकेन र पीएसजीले जित निकालेको हो ।
जितसँगै पीएसजीले १३ खेलबाट ३४ अंक जोडेको छ र तालिकाको शीर्ष स्थानमा छ । पराजित बोर्डोको १३ खेलबाट १२ अंक छ र तालिकाको १६ औं स्थानमा छ ।
