आधारभूमि संवाददाता
काठमाडौ, १७ कात्तिक
च्याम्पियन्स लिग फुटबलमा लिभरपुलले जित निकालेको छ । घरेलु मैदानमा बुधबार राति भएको खेलमा लिभरपुलले एट्लेटिको मड्रिडलाई २–० गोलले पराजित गरेको हो ।
एनफिल्डमा लिभरपुललाई जित दिलाउन डिओगो जोटा र साडियो मानेले एक-एक गोल गरे ।
खेलको १३ औं मिनेटमा डिओगो जोटाले गोल गर्दै टोलीलाई सुरुवाती अग्रता दिलाएका थिए।
त्यसपछि खेलको २१ औँ मिनेटमा साडियो मानेले गोल गर्दै टोलीलाई २-० को जित दिलाए ।
खेलको ६६ औं मिनेटमा एट्लेटिको मड्रिड १० खेलाडीमा समेटिएको थियो ।एट्लेटिकोका फेलिपले रातो कार्ड पाउँदै मैदान छाड्न परेको थियो।
जितसँगै समूह बि’मा रहेको लिभरपुलले चार खेलबाट १२ अंक जोडेको छ र अन्तिम १६ मा प्रवेश गरेको छ ।
