आधारभूमि संवाददाता
काठमाडौ, १३ कात्तिक
शनिबार थप ३७२ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ७ हजार ९११ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या आठ लाख १२ हजार १९४ पुगेको छ ।
त्यस्तै पछिल्लो २४ घण्टामा पीसीआर विधिबाट ७ हजार ९११ जनाको परीक्षण भएको छ । हालसम्म ४४ लाख १५ हजार ५३ जनाको पीसीआर परीक्षण गरिएको छ।
थप ९११ जना डिस्चार्ज
नेपालमा पछिल्लो २४ घण्टामा ९११ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या सात लाख ९१ हजार २६९ पुगेको छ ।
थप ११ को मृत्यु
पछिल्लो २४ घण्टामा ११ जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार ३९९ पुगेको छ।
