आधारभूमि संवाददाता
काठमाडौँ, ९ कात्तिक
आज पनि सुनको मूल्य बढेको छ । सोमबार तोलामा ९२ हजार ४०० मा कारोवार भएको छापावाल सुन आज प्रतितोला २०० ले बढेर ९२ हजार ६०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला २०० ले बढेर ९२ हजार १०० मा कारोवार भएको छ । यस अघि सोमबार तेजावी सुन रु ९१ हजार ९०० मा कारोवार भएको थियो ।
आज चाँदीको मूल्य स्थिर रहेको छ । महासङ्घले आजको लागि पनि चाँदीको मूल्य प्रतितोला रु एक हजार १६५ तोकेको छ ।
