आधारभूमि संवाददाता
काठमाडौं, असोज २४
फिफा विश्वकप अन्तर्गत युरोपियन छनोटमा इंग्ल्यान्डले फराकिलो जित निकालेको छ ।शनिबार राति भएको खेलमा इंग्ल्यान्डले अन्डोरालाई ५-० गोलले पराजित गरेको हो ।
इंग्ल्यान्डलाई जित दिलाउन बेन चिलवेल,बुकायो साका,टेमी अब्राहम,जेम्स वार्ड र ज्याक ग्रीलिसले एक-एक गोल गरे ।
खेलको १७ औं मिनेटमा बेन चिलवेलले गोल गर्दै इंग्ल्यान्डलाई सुरुवाती अग्रता दिलाएका थिए ।
खेलको ४० औं मिनेटमा बुकायो साकाले गोल गर्दै टोलीको अग्रता दोब्बर पारे ।
दोस्रो हाफको ५९ औं मिनेटमा टेमी अब्राहमले गोल गर्दै टोलीलाई ३-० ले अघि बढाए।७९ औं मिनेटमा जेम्स वार्डले गोल गर्दै टोलीलाई ४-० ले अघि बढाए।
त्यसपछि खेलको ८६ औं मिनेटमा ज्याक ग्रीलिसले गोल गर्दै टोलीलाई ५-० को फराकिलो जित दिलाए ।
जितसँगै इंग्ल्यान्डले सात खेलबाट १९ अंक जोडेको छ र समूह (आई) को शीर्ष स्थानमा छ । पराजित अन्डोराको तीन अंक छ र पाँचौं स्थानमा छ ।
