आधारभूमि संवाददात
काठमाडौं, १८ असोज
जर्मन बुन्डेसलिगा फुटबलमा बायर्न म्युनिखले हार व्यहोरेको छ। घरेलु मैदानमा आइतबार राति भएको खेलमा बायर्न म्युनिख फ्रैंकफर्टसँग २-१ गोल अन्तरले पराजित भएको हो ।
बायर्नको मैदानमा फ्रैंकफर्टलाई जित दिलाउन मार्टिन हिन्टेरेगर र फिलिप कोस्टिकले एक-एक गोल गरे ।बायर्नका लियोन गोरेटज्काले एक गोल फर्काए ।
खेलमा पहिलो अग्रता बायर्नले लिएको थियो । खेलको २९ औं मिनेटमा लियोन गोरेटज्काले गोल गर्दै बायर्नलाई सुरुवाती अग्रता दिलाएका थिए ।
तर,खेलको ३२ औं मिनेटमा फ्रैंकफर्टका मार्टिन हिन्टेरेगरले गोल गर्दै खेल बराबरीमा ल्याए।
त्यसपछि खेलको ८३ औं मिनेटमा फ्रैंकफर्टका फिलिप कोस्टिकले गोल गर्दै टोलीलाई २-१ को जित दिलाए ।
हारपछि पनी बायर्नको सात खेलबाट १६ अंक छ र तालिकाको शीर्ष स्थानमा छ ।फ्रैंकफर्टको सात खेलबाट आठ अंक छ र तालिकाको १३ औं स्थानमा छ ।