आधारभूमि संवाददाता
काठमाडौ, १६ असोज
शनिवार थप ८६७ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २१९ घण्टामा देशभरिका विभिन्न प्रयोगशालामा आठ हजार २१९ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या सात लाख ९६ हजार ६१८ पुगेको छ ।
त्यस्तै पछिल्लो २४ घण्टामा पीसीआर विधिबाट आठ हजार २१९ जनाको परीक्षण भएको छ । हालसम्म ४२ लाख २१ हजार ९३ जनाको पीसीआर परीक्षण गरिएको छ।
थप ११२३ जना डिस्चार्ज
नेपालमा पछिल्लो २४ घण्टामा ११२३ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या सात लाख ६७ हजार ८१९ पुगेको छ ।
थप नौ को मृत्यु
पछिल्लो २४ घण्टामा नौ जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या ११ हजार १५७ पुगेको छ।
