आधारभूमि संवाददाता

काठमाडौ,१२ असोज

आज सुनको मूल्य घटेको छ । सोमबार तोलामा ८९ हजार ३०० मा कारोवार भएको छापावाल सुन आज प्रतितोला ३०० ले घटेर ८९ हजारमा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ३०० ले घटेर ८८ हजार ५५० मा कारोवार भएको छ । यस अघि सोमबार तेजावी सुन रु ८८ हजार ८५० मा कारोवार भएको थियो ।

आज चाँदीको मूल्य पनि प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु एक हजार १५५ तोकेको छ । यस अघि सोमबार चाँदी प्रतितोला रु एक हजार १६० मा कारोबार भएको थियो ।