आधारभूमि संवाददाता
काठमाडौँ, १० असोज
फ्रेन्च लिग वान फुटबलमा पेरिस सेन्ट जर्मेन (पीएसजी) ले लगातार आठौं जित निकालेको छ । शनिबार राति घरेलु मैदानमा भएको खेलमा पीएसजीले मोन्टपेलियरलाई २-० गोल अन्तरले पराजित गरेको हो ।
पीएसजीलाई जित दिलाउन इद्रिसा गुई र जुलियन ड्रेक्सलरले एक-एक गोल गरे ।
खेलको १४ औँ मिनेटमा इद्रिसा गुईले गोल गर्दै टोलीलाई सुरुवाती अग्रता दिलाएका थिए ।
त्यसपछि खेलको ८८ औं मिनेटमा जुलियन ड्रेक्सलरले गोल गर्दै टोलीलाई २-० को जित दिलाए ।
जितसँगै पीएसजीले आठ खेलबाट २४ अंक जोडेको छ र तालिकाको शीर्ष स्थानमा छ ।पराजित मोन्टपेलियरको आठ खेलबाट नौ अंक छ र तालिकाको ११औं स्थानमा छ ।
