आधारभूमि संवाददाता
काठमाडौँ, ५ असोज
इटालियन सिरी (ए) फुटबलमा नापोलीले शानदार जित निकालेको छ । सोमबार राति भएको खेलमा नापोलीले उडीनेजेलाई ४-० गोलले पराजित गरेको हो ।
नापोलीलाई जित दिलाउन भिक्टर ओसिम्हेन,अमीर रहमानी,कलिदोउ कोउलिबल्य र हिर्विङ लोअजनोले एक-एक गोल गरे ।
खेलको २४ औं मिनेटमा भिक्टर ओसिम्हेनले गोल गर्दै टोलीलाई सुरुवाती अग्रता दिलाएका थिए।
खेलको ३५ औं मिनेटमा अमीर रहमानीले गोल गर्दै टोलीको अग्रता दोब्बर बनाए ।
दोस्रो हाफको ५२ औं मिनेटमा कलिदोउ कोउलिबल्यले गोल गर्दै टोलीलाई ३-० ले अघि बढाए।
त्यसपछि खेलको ८४ औँ मिनेटमा हिर्विङ लोअजनोले गोल गर्दै टोलीलाई ४-० को सहज जित दिलाए ।
जितसंगै नापोलीले चार खेलबाट १२ अंक जोडेको छ र शीर्ष स्थानमा उक्लिएको छ ।पराजित उडीनेको चार खेलबाट ७ अंक छ र आठौं स्थानमा छ ।