आधारभूमि संवाददाता
काठमाडौ, ४ असोज
इंग्लिस प्रिमियर लिग फुटबलमा म्यानचेस्टर युनाईटेडले सहज जित निकालेको छ। आइतबार राति भएको खेलमा युनाईटेडले वेस्ट ह्यामलाई उसकै मैदानमा २-१ गोलले पराजित गरेको हो ।
युनाईटेडलाई जित दिलाउन क्रिस्टियानो रोनाल्डो र जेसी लिंगर्डले एक-एक गोल गरे ।वेस्ट ह्यामका साइद बेन्राह्माले एक गोल गरे ।
खेलमा पहिलो अग्रता वेस्ट ह्यामले लिएको थियो । खेलको ३० औँ मिनेटमा वेस्ट ह्यामका साइद बेन्राह्माले गोल गर्दै टोलीलाई सुरुवाती अग्रता दिलाएका थिए ।
तर,खेलको ३५ औं मिनेटमा युनाईटेडका क्रिस्टियानो रोनाल्डोले गोल गर्दै खेल बराबरीमा ल्याए।
त्यसपछि दोस्रो हाफको ८९ औँ मिनेटमा जेसी लिंगर्डले गोल गर्दै टोलीलाई २-१ को सहज जित दिलाए ।
जितसँगै लिभरपुलले पाँच खेलबाट १३ अंक जोडेको छ र तालिकाको दोस्रो स्थानमा उक्लिएको छ ।पराजित वेस्ट ह्यामको पाँच खेलबाट आठ अंक छ र तालिकाको आठौं स्थानमा छ ।