आधारभूमि संवाददाता

काठमाडौ,१ असोज

आज सुनको मूल्य घटेको छ । बिहीबार तोलामा ९० हजार ५०० मा कारोवार भएको छापावाल सुन आज प्रतितोला १४०० ले घटेर ८९ हजार १०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला १३५० ले घटेर ८८ हजार ६५० मा कारोवार भएको छ । यस अघि बिहीबार तेजावी सुन रु ९० हजारमा कारोवार भएको थियो ।

आज चाँदीको मूल्य पनि प्रतितोला रु ३० ले घटेको छ । आज महासङ्घले चाँदीको मूल्य प्रतितोला रु एक हजार १७० तोकेको छ । यस अघि बिहीबार चाँदी प्रतितोला रु एक हजार २०० मा कारोबार भएको थियो ।