आधारभूमि संवाददाता
काठमाडौं, भदौ ३०
च्याम्पियन्स लिग फुटबलमा बार्सिलोनाले बायर्न म्युनिखसँग हार ब्यहोरेको छ ।मंगलबार राति भएको .नयाँ सिजनको पहिलो खेलमा बायर्नले बार्सिलोनालाई ३-० गोलले पराजित गरेको हो ।
बार्सिलोनाको घरेलु मैदानमा बायर्न म्युनिखलाई जित दिलाउन रोबर्ट लेवान्डोव्स्कीले दुई गोल गरे भने थोमस मुलरले एक गोल गरे ।
खेलको ३४ औं मिनेटमा थोमस मुलरले गोल गर्दै बायर्नलाई सुरुवाती अग्रता दिलाएका थिए ।
दोस्रो हाफको ५६ औं मिनेटमा रोबर्ट लेवान्डोव्स्कीले गोल गर्दै टोलीको अग्रता दोब्बर पारे ।
त्यसपछि खेलको ८५ औं मिनेटमा लेवान्डोस्कीले व्यक्तिगत दोस्रो गोल गर्दै बायर्नलाई ३-० को जित दिलाए ।
