आधारभूमि संवाददाता
काठमाडौं, भदौ २९
इंग्लिस प्रिमियर लिग फुटबलमा एभर्टनले सहज जित निकालेको छ। घरेलु मैदानमा सोमबार राति भएको खेलमा एभर्टनले बर्नलीलाई ३-१ गोलले पराजित गरेको हो ।
एभर्टनलाई जित दिलाउन माइकल कीन,एन्ड्रोस टाउनसेन्ड र डेमराई ग्रे ले एक-एक गोल गरे ।बर्नलीका बेन मीले एक गोल गरे ।
खेलमा पहिलो अग्रता बर्नलीले लिएको थियो । खेलको ५३ औँ मिनेटमा बेन मीले गोल गर्दै टोलीलाई सुरुवाती अग्रता दिलाएका थिए ।
तर,खेलको ६० औं मिनेटमा एभर्टनका माइकल कीनले गोल गर्दै खेल बराबरीमा ल्याए।
खेलको ६५ औँ मिनेटमा एभर्टनका एन्ड्रोस टाउनसेन्डले गोल गर्दै टोलीलाई २-१ ले अघि बढाए।
लगत्तै ६६ औँ मिनेटमा डेमराई ग्रे ले गोल गर्दै टोलीलाई ३-१ को सहज जित दिलाए ।
जितसँगै एभर्टनले चार खेलबाट दश अंक जोडेको छ र तालिकाको चौथो स्थानमा छ । शीर्ष स्थानको म्यानचेस्टर युनाइटेड ,दोस्रो स्थानको चेल्सी र तेस्रो स्थानको लिभरपुलको पनि चार खेलबाट दश -दश अंक छ ।पराजित बर्नलीको चार खेलबाट एक अंक छ र तालिकाको १८ औँ स्थानमा छ ।
