आधारभूमि संवाददाता
काठमाडौं, भदौं २७
रियल मड्रिडले स्पेनिस ला लिगा फुटबलमा सानदार जित निकालेको छ ।आइतबार राति भएको खेलमा रियल मड्रिडले सेल्टा भिगोलाई ५-२ गोलले पराजित गरेको हो।
घरेलु मैदानमा रियल मड्रिडलाई जित दिलाउन करीम बेंजामाले ह्याट्रिक गरे । त्यस्तै भिनिसियस जुनियर र एडुआर्डो कैमाविङ्गाले एक-एक गोल गरे । सेल्टा भिगोका सान्ती मीना र फ्रान्को सर्विले एक एक गोल गरे ।
खेलमा पहिलो अग्रता सेल्टा भिगोले लिएको थियो । खेलको चौथो मिनेटमा सेल्टा भिगोका सान्ती मीनाले गोल गर्दै टोलीलाई सुरुवाती अग्रता दिलाएका थिए ।
तर,खेलको २४ औं मिनेटमा करीम बेंजामाले गोल गर्दै खेल बराबरीमा ल्याए।
खेलको ३१ औं मिनेटमा सेल्टा भिगोका फ्रान्को सर्विले गोल गर्दै टोलीलाई २-१ ले अघि बढाए।
तर,खेलको ४६ औं मिनेटमा करीम बेंजामाले व्यक्तिगत दोस्रो गोल गर्दै खेल २-२ को बराबरीमा ल्याए।
खेलको ५४ औं मिनेटमा रियल मड्रिडका भिनिसियस जुनियरले गोल गर्दै टोलीलाई ३-२ ले अघि बढाए। ७२ औं मिनेटमा एडुआर्डो कैमाविङ्गाले गोल गर्दै टोलीलाई ४-२ ले अघि बढाए।
त्यसपछि खेलको ८७ औं मिनेटमा करीम बेंजामाले व्यक्तिगत तेस्रो गोल गर्दै ह्याट्रिक पुरा गरे र टोलीलाई ५-२ को शानदार जित दिलाए ।
जितसंगै रियल मड्रिडलेले चार खेलबाट १० अंक जोडेको छ र शीर्ष स्थानमा छ ।पराजित सेल्टा भिगोको चार खेलबाट एक अंक छ र १८ औं स्थानमा छ ।
