आधारभूमि संवाददाता
काठमाडौं, भदौं २७
फ्रेन्च लिग वान फुटबलमा पेरिस सेन्ट जर्मेन (पीएसजी) ले लगातार पाँचौ जित निकालेको छ । शनिबार राति भएको खेलमा पीएसजीले क्लेरमोन्ट फुटलाई ४-० गोल अन्तरले पराजित गरेको हो ।
पीएसजीलाई जित दिलाउन एन्डर हेरराले दुई गोल गरे भने केलियन एमबाप्पे र इड्रिसा गुइएले एक-एक गोल गरे ।
खेलको २० औँ मिनेटमा एन्डर हेरराले गोल गर्दै टोलीलाई सुरुवाती अग्रता दिलाएका थिए।
खेलको ३१ औँ मिनेटमा एन्डर हेरराले व्यक्तिगत दोस्रो गोल गर्दै टोलीलाई टोलीलाई २-० ले अघि बढाए।
दोस्रो हाफको ५५ औं मिनेटमा केलियन एमबाप्पेले गोल गर्दै टोलीलाई ३-० ले अघि बढाए।
त्यसपछि खेलको ६५ औँ मिनेटमा इड्रिसा गुइएले गोल गर्दै टोलीलाई ४-० को सहज जित दिलाए ।
जितसँगै पीएसजीले पाँच खेलबाट १५ अंक जोडेको छ र तालिकाको शीर्ष स्थानमा छ ।पराजित क्लेरमोन्ट फुटको पाँच खेलबाट आठ अंक छ र तालिकाको चौथो स्थानमा छ ।
