आधारभूमि संवाददाता
काठमाडौं, भदौं २३
फिफा विश्वकप अन्तर्गत युरोपियन छनोटमा पोर्चुगलले सहज जित निकालेको छ ।मंगलबार राति भएको खेलमा पोर्चुगलले अजरबैजानलाई ३-० गोलले पराजित गरेको हो ।
पोर्चुगललाई जित दिलाउन बर्नार्डो सिल्भा,एन्ड्रे सिल्भा र डायोगो जोटाले एक-एक गोल गरे ।
खेलको २६औं मिनेटमा बर्नार्डो सिल्भाले गोल गर्दै पोर्चुगललाई सुरुवाती अग्रता दिलाएका थिए ।
खेलको ३१ औं मिनेटमा एन्ड्रे सिल्भाले गोल गर्दै टोलीको अग्रता दोब्बर पारे ।
त्यसपछि दोस्रो हाफको ७५ औं मिनेटमा डायोगो जोटाले गोल गर्दै टोलीलाई ३-० को सहज जित दिलाए ।
जितसँगै पोर्चुगलले ५ खेलबाट १३ अंक जोडेको छ र समूह (ए) को शीर्ष स्थानमा छ । पराजित अजरबैजानको ५ खेलबाट १ अंक छ र पुछारमा छ ।
