आधारभूमि संवाददाता
काठमाडौँ, २० भदौ
फिफा विश्वकप युरोपियन छनोटमा नेदरल्याण्ड्सले सहज जित निकालेको छ ।शनिबार राति भएको खेलमा नेदरल्याण्ड्सले मोन्टेनेग्रोलाई ४-० गोलले पराजित गरेको हो ।
नेदरल्याण्ड्सलाई जित दिलाउन मेम्फिस डिपेले दुई गोल गरे भने जर्जिनियो विज्नाल्डम र कोडी गक्पोले एक-एक गोल गरे ।
खेलको ३८ औं मिनेटमा मेम्फिस डिपेले पेनाल्टी गोल गर्दै नेदरल्याण्ड्सलाई सुरुवाती अग्रता दिलाएका थिए ।
दोस्रो हाफको ६२ औं मिनेटमा डिपेले व्यक्तिगत दोस्रो गोल गर्दै टोलीको अग्रता दोब्बर पारे ।
खेलको ७० औं मिनेटमा जर्जिनियो विज्नाल्डमले गोल गर्दै टोलीलाई ३-० ले अघि बढाए।
त्यसपछि खेलको ७६ औं मिनेटमा कोडी गक्पोले गोल गर्दै नेदरल्याण्ड्सलाई ४-० को
सहज जित दिलाए ।
जितसँगै नेदरल्याण्ड्सले ५ खेलबाट १० अंक जोडेको छ र समूह (जी) को दोस्रो स्थानमा छ ।पराजित मोन्टेनेग्रोको ५ खेलबाट ७ अंक छ र चौथो स्थानमा छ ।
