आधारभूमि संवाददाता
काठमाडौं, भदौ १४
स्पेनिस ला लिगा फुटबलमा बार्सिलोनाले जित निकालेको छ ।घरेलु मैदानमा आईतबार राति भएको खेलमा बार्सिलोनाले गेटाफेलाई २-१ गोलले पराजित गरेको हो ।
बार्सिलोनालाई जित दिलाउन सर्जी रोबर्टो र मेम्फिस डिपेले एक एक गोल गरे ।गेटाफेका स्यान्ड्रो रमिरेजले एक गोल गरेका थिए ।
खेलमा पहिलो अग्रता भने बार्सिलोनाले लिएको थियो।खेलको दोस्रो मिनेटमा सर्जी रोबर्टोले गोल गर्दै टोलीलाई अग्रता दिलाएका थिए।
तर, खेलको १८ औं मिनेटमा गेटाफेका स्यान्ड्रो रमिरेजले गोल गर्दै खेल १-१ बराबरीमा ल्याए ।
त्यसपछि खेलको ३० औं मिनेटमा बार्सिलोनाका मेम्फिस डिपेले गोल गर्दै टोलीलाई २-१ को जित दिलाए ।
जितसंगै बार्सिलोनाले ३ खेलबाट सात अंक जोडेको छ र तालिकाको तेस्रो स्थानमा छ। पराजित गेटाफे अंक विहीन तालिकाको १९ औं स्थानमा छ।
