आधारभूमि संवाददाता
काठमाडौँ, १२ भदौ
साविक विजेता म्यानचेस्टर सिटीले इंग्लिस प्रिमियर लिग फुटबलमा फराकिलो जित निकालेको छ। शनिवार घरेलु मैदानमा भएको खेलमा म्यानचेस्टर सिटीले १० खेलाडीमा सिमित आर्सनललाई ५-० गोलले पराजित गरेको हो ।
म्यानचेस्टर सिटीलाई जित दिलाउन फेरान टोरेसले दुई गोल गरे भने इल्के गुंडोगन,गब्रिएल जेजस र रोड्रीले एक-एक गोल गरे ।
खेलको सातौं मिनेटमा इल्के गुंडोगनले गोल गर्दै टोलीलाई सुरुवाती अग्रता दिलाएका थिए।
खेलको १२ औं मिनेटमा फेरान टोरेसले गोल गर्दै सिटीको अग्रता दोब्बर बनाए ।
खेलको ३५ औं मिनेटमा आर्सनल १० खेलाडीमा सिमित बनेको थियो ।आर्सनलका ग्रानीट हाका रातो कार्ड खादै मैदान बाहिरिएका थिए। जसको फाइदा सिटीले उठायो ।
खेलको ४३ औं मिनेटमा गब्रिएल जेजसले गोल गर्दै सिटीलाई ३-० ले अघि बढाए ।
दोस्रो हाफको ५३ औं मिनेटमा रोड्रीले गोल गर्दै सिटीलाई ४-० ले अघि बढाए ।
त्यसपछि खेलको ८४ औं मिनेटमा फेरान टोरेसले व्यक्तिगत दोस्रो गोल गर्दै टोलीलाई ५-० को
फराकिलो जित दिलाए ।
जितसँगै सिटीले ३ खेलबाट ६ अंक जोडेको छ र तालिकाको शीर्ष स्थानमा उक्लिएको छ। पराजित आर्सनल अंक विहीन तालिकाको पुछारमा छ ।
