आधारभूमि संवाददाता
काठमाडौं, भदौं ११
टोटेनहमले युरोपा कन्फरेस लिग (इसिएल) को समूह चरणमा स्थान पक्का बनाएको छ।
बिहीबार राति इसिएलको प्ले अफ छनोटको दोस्रो लेगमा टोटेनहमले पाकोस डि फेरेइरालाई ३-० ले पराजित गर्दै समग्रमा ३-१ को जित निकाल्दै समूह चरणमा स्थान पक्का बनाएको हो।
पहिलो लेगमा टोटेनहम पाकोस डि फेरेइरासँग १-० गोल अन्तरले पराजित भएको थियो ।
गएराति भएको दोस्रो लेगमा टोटेनहमलाई जित दिलाउन ह्यारी केनले दुई गोल गरेका थिए ।टोटेनहमले एक गोल आत्मघाती उपहार पाएको थियो ।
खेलको नवौं मिनेटमा ह्यारी केनले गोल गर्दै टोलीलाई सुरुवाती अग्रता दिलाएका थिए।३५ औं मिनेटमा केनले व्यक्तिगत दोस्रो गोल गर्दै टोलीलाई २-० ले अघि बढाए।
त्यसपछि दोस्रो हाफको ७० औं मिनेटमा पाकोस डि फेरेइराका जियोभानीले आत्मघाती गोल गरे पछि टोटेनहम ३-० ले अघि बढ्यो।
त्यसपछि बाकी समयमा कुनै गोल हुन सकेन र टोटेनहमले जित निकालेको हो ।
