आधारभूमि संवाददाता

काठमाडौ,१० भदौ

आज पनि सुनको मूल्य घटेको छ । बुधवार तोलामा ९१ हजार ३०० मा कारोवार भएको छापावाल सुन आज प्रतितोला २०० ले घटेर ९१ हजार १०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला २०० ले घटेर ९० हजार ६०० मा कारोवार भएको छ । यस अघि बुधवार तेजावी सुन रु ९० हजार ८०० मा कारोवार भएको थियो ।

आज चाँदीको मूल्य भने स्थिर रहेको छ । महासङ्घले आजको लागि पनि चाँदीको मूल्य प्रतितोला रु एक हजार २१० तोकेको छ ।