आधारभूमि संवाददाता
काठमाडौं, ४ भदौ
आज सुनको मूल्य बढेको छ । बिहीबार तोलामा ९० हजार ८०० मा कारोवार भएको छापावाल सुन आज प्रतितोला ४०० ले बढेर ९१ हजार २०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ४०० ले बढेर ९० हजार ७०० मा कारोवार भएको छ । यस अघि बिहीबार तेजावी सुन रु ९० हजार ३०० मा कारोवार भएको थियो ।
आज चाँदीको मूल्य पनि प्रतितोला रु १५ ले बढेको छ । आज महासङ्घले चाँदीको मूल्य प्रतितोला रु एक हजार १९५ तोकेको छ । यस अघि बिहीबार चाँदी प्रतितोला रु एक हजार १८० मा कारोबार भएको थियो ।
