आधारभूमि संवाददाता

काठमाडौ,३ भदौ

आज सुनको मूल्य घटेको छ । बिहीबार तोलामा ९१ हजार २०० मा कारोवार भएको छापावाल सुन आज प्रतितोला ४०० ले घटेर ९० हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ४०० ले घटेर ९० हजार ३०० मा कारोवार भएको छ । यस अघि बिहीबार तेजावी सुन रु ९० हजार ७०० मा कारोवार भएको थियो ।

आज चाँदीको मूल्य पनि प्रतितोला रु २५ ले घटेको छ । आज महासङ्घले चाँदीको मूल्य प्रतितोला रु एक हजार १८० तोकेको छ । यस अघि बिहीबार चाँदी प्रतितोला रु एक हजार २०५ मा कारोबार भएको थियो ।