आधारभूमि संवाददाता
काठमाडौ, साउन २५
बार्सिलोनाले प्रि(सिजन तयारी अन्तर्गत भएको मैत्रीपूर्ण खेलमा सहज जित निकालेको छ ।आइतबार राति भएको खेलमा बार्सिलोनाले युभेन्ट्सलाई ३-० गोलले पराजित गरेको हो ।
बार्सिलोनालाई जित दिलाउन मेम्फिस डिपे,मार्टिन ब्रेइटवेट र रिकुइ पुइगले एक-एक गोल गरे ।
खेलको तेस्रो मिनेटमा मेम्फिस डिपेले गोल गर्दै टोलीलाई अग्रता दिलाएका थिए।
दोस्रो हाफको ५७ औँ मिनेटमा मार्टिन ब्रेइटवेटले गोल गर्दै टोलिको अग्रता दोब्बर बनाए ।
त्यसपछि दोस्रो हाफको इन्जुरी समयमा रिकुइ पुइगले गोल गर्दै टोलीलाई ३-० को सहज जित दिलाए ।
