आधारभूमि संवाददाता
काठमाडौ, साउन २२
लिओनल मेस्सीले स्पेनिस क्लब बार्सिलोना छाड्ने भएका छन् ।बार्सिलोनाको अनुसार कप्तान लियोनल मेस्सीसँग सम्झौता नवीकरण नभएको जनाएको छ ।
आर्थिक र संरचनागत अवरोधका कारणले सम्झौता नवीकरण हुन नसकेको र मेसी क्लबमा बस्न नसक्ने भएको बार्सिलोनाले जनाएको छ ।
१३ वर्षको उमेरमा बार्सिलोनामा आवद्ध भएका मेसीको पछिल्लो पटक भएको सम्झौता गत जुनमा सकिएको थियो।
मेसी सन् २००० देखि बार्सिलोनामा आबद्ध थिए । मेसीले बार्सिलोनाका लागि ७ सय ७८ खेलमा ६ सय ७२ गोल गरेका छन् ।
