आधारभूमि संवाददाता

काठमाडौ, साउन २०

आज सुनको मूल्य घटेको छ । मंगलबार तोलामा ९२ हजार ३०० मा कारोवार भएको छापावाल सुन आज प्रतितोला ३०० ले घटेर ९२ हजारमा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ प्रतितोला ३०० ले घटेर ९१ हजार ५०० मा कारोवार भएको छ । यस अघि मंगलबार तेजावी सुन रु ९१ हजार ८०० मा कारोवार भएको थियो ।

आज चाँदीको मूल्य भने प्रतितोला रु १० ले बढेको छ । आज महासङ्घले चाँदीको मूल्य प्रतितोला रु एक हजार २८५ तोकेको छ । यस अघि मंगलबार चाँदी प्रतितोला रु एक हजार २७५ मा कारोबार भएको थियो ।