काठमाडौ, साउन १४
मैलुङ खोला जलबिद्युुत कम्पनीले सात करोड ३६ लाख २८ हजार छ सय रुपैयाको साधारण सेयरको आजबाट बिक्री खुल्ला गरेको छ । कम्पनीले आज बिहिबारबाट एक सय रुपैयाँ अंकित मुल्य कायम रहने गरी सात लाख ३६ हजार दुुई सय ८६ कित्ता साधारण सेयरको बिक्री खुल्ला गरेको हो ।
कुुल सेयर मध्येमा दुुई प्रतिसत अर्थात १४ हजार सात सय २६ कित्ता कर्मचारीहरुको लागि, पाँच प्रतिसत अर्थात तीन हजार छ सय ८४ कित्ता सामुुहिक लगानी कोषको लागि र बाँकी छ लाख ८४ हजार सात सय ४६ कित्ता सर्वसाधारणको लागि बिक्री छुट्याईएको कम्पनीले जनाएको छ ।
बिक्री प्रर्वन्धक सिद्धार्थ क्यापिटल लिमिटेड रहेको कम्पनीको सेयर बिक्री कार्य छिटोमा साउन १८ गते र ढिलोमा साउन २८ गते बन्द हुुने छ । खरिदकर्ताहरुले न्युनतम १० देखि अधिकतम एक लाख कित्तासम्मको सेयर खरिदको लागि आवेदन दिन सक्नेछन ।
अधिकृत पुंजी ७५ करोड रुपैयाँ रहेको कम्पनीको जारी पुंजी ३६ करोड ८१ लाख ४३ हजार रुपैयाँ रहेको छ । हाल चुक्ता पुंजी २९ करोड ८१ लाख ४३ हजार रुपैयाँ रहेको कम्पनीको साधारण सेयरको बिक्री पश्चात भने चुक्ता पुंजी ३६ करोड ८१ लाख ४३ हजार चार सय रुपैयाँ पुग्ने छ ।
