आधारभूमि संवाददाता
काठमाडौ, साउन १०
बार्सिलोनाले प्रि-सिजन तयारी अन्तर्गत भएको मैत्रीपूर्ण खेलमा सहज जित निकालेको छ ।शनिबार राति भएको खेलमा स्पेनिश क्लब बार्सिलोनाले जिरोनालाई ३-१ गोलले पराजित गरेको हो ।
बार्सिलोनालाई जित दिलाउन जेरार्ड पिके,रे मनज र मेम्फिस डिपेले एक एक गोल गरे।जिरोनाका समुएल सैजले एक गोल फर्काए ।
खेलमा पहिलो अग्रता बार्सिलोनाले लिएको थियो।खेलको २१ औं मिनेटमा जेरार्ड पिकेले पेनाल्टीमा गोल गर्दै टोलीलाई सुरुवाती अग्रता दिलाएका थिए।२४ औं मिनेटमा रे मनजले गोल गर्दै टोलीको अग्रता दोब्बर बनाए ।
खेलको ४२ औं मिनेटमा जिरोनाका समुएल सैजले गोल गर्दे खेल २-१ को स्थितिमा ल्याए ।
त्यसपछि दोस्रो हाफको ८५ औं मिनेटमा बार्सिलोनाका मेम्फिस डिपेले पेनाल्टीमा गोल गर्दै टोलीलाई ३-१ को सहज जित दिलाए ।
