आधारभूमि संवाददाता

काठमाडौ, साउन ६

आज सुनको मूल्य घटेको छ । मंगलबार तोलामा ९३ हजार २०० मा कारोवार भएको छापावाल सुन आज प्रतितोला ७०० ले घटेर ९२ हजार ५०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ प्रतितोला ७०० ले घटेर ९२ हजारमा कारोवार भएको छ । यस अघि मंगलबार तेजावी सुन रु ९२ हजार ७०० मा कारोवार भएको थियो ।

आज चाँदीको मूल्य पनि प्रतितोला रु २० ले घटेको छ । आज महासङ्घले चाँदीको मूल्य प्रतितोला रु एक हजार २६० तोकेको छ । यस अघि मंगलबार चाँदी प्रतितोला रु एक हजार २८० मा कारोबार भएको थियो ।