आधारभूमि संवाददाता

काठमाडौं, साउन ४

आज सुनको मूल्य बढेको छ । आइतबार तोलामा ९२ हजार ६०० मा कारोवार भएको छापावाल सुन आज प्रतितोला २०० ले बढेर ९२ हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला २०० ले बढेर ९२ हजार ३०० मा कारोवार भएको छ । यस अघि आइतबार तेजावी सुन रु ९२ हजार १०० मा कारोवार भएको थियो ।

आज चाँदीको मूल्य भने प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु एक हजार २९० तोकेको छ । यस अघि आइतबार चाँदी प्रतितोला रु एक हजार २९५ मा कारोबार भएको थियो ।